Фелипе очекува очекува побда на Вардар против Шкендија , ТВ Нова ке митува директен пренос

Вардар во сабота во 14:30 часот на Националната Арена „Филип Втори“ во Скопје, го пречекува тимот на Шкендија во дербито на 10 коло од Првата лига. Практично со тој натпревар ќе започне и вториот круг од шампионатот, и покрај тоа што нашата екипа има два натпревари помалку од сите останати тимови.

„Играме против првопласираниот тим на табелата. Шкендија има многу добар и силен тим, но ние сакаме да победиме и со три бода да им се доближиме на првата позиција. Исто така и Вардар е силна екипа и верувам дека ќе оствариме победа, и на некој начин ќе им вратиме за поразот во првото коло. Играме на домашен терен, ја поканувам публиката  да дојде во поголем број и да биде 12 играч на ова дерби за да дојдеме до трите бода“, изјави Фелипе.

Фелипе се надева дека серијата на победи во првенството ќе продолжи и на ова дерби.

„Не само против Шкендија, туку против секој тим секогаш одиме на победа. Секој натпревар во овој шампионат е важен за повторно да ја освоиме титулата. Нашата цел е да бидеме на првото место на крајот од сезоната и затоа на овој натпревар како и на сите одиме на три бода“, рече Бразилецот во дресот на „црвено-црните“.