ФФМ: Изборно собрание на 18 февруари

ffm

Управниот одбор на Фудбалската федерација на Македонија го закажа терминот за Редовното изборно собрание на ФФМ на 18.февруари. На ова собрание, речиси е сигурно дека првиот човек на ФФМ, Илчо Ѓорѓиоски, ќе бара нов четиригодишен мандат од делегатите на собранието.

Во меѓувреме, до средината на јануари, треба да се одржат собранија на општинските фудбалски сојузи, кои треба да ги достават своите предлози за делегати и за евентуален друг кандидат кој би се вклучил во претседателската трка.

Највисокото тело на Фудбалската федерација на Македонија меѓудругото ги усвои извештаите за работата на телата и органите на федерацијата и извештајот за работата на младинските национални селекции.