Теса Ворли е победничка на велеслаломот во Марибор

Теса Ворли е победничка на 6 – от велеслалом сезонава во Светскиот куп во Алпско скијање кој што се возеше во словенечки Марибор.

Французинката стигна до победата со вкупно време од 2:16.96 стотинки, што беше за 16 стоти делови од секундата подобро од второпласираната Италијанка Софија Гоџија. Подиумот го надополни Лара Гут од Швајцарија со заостанување од 25 стотинки зад времето на победничката.

Во генералниот пласман Микаела Шифрин е прва, пред Лара Гут и Теса Ворли.