Украден златен накит и 50.000 денари од куќа на улица „Пехчевска“ во Скопје

Четириесет и петгодишниот В.Н. од Скопје синоќа во полиција пријавил дека во неговата куќа на улица „Пехчевска“ од страна на двајца непознати сторители извршена е тешка кражба, при што одземен е разновиден златен накит и 50.000 денари со што сторителите се стекнале со противправна имотна корист од околу 270.000 денари.

Министерството за внатрешни работи денеска информира дека кражбата сторителите ја извршиле на тој начин што влегле преку терасата.

При напуштањето на куќата, тие се сретнале со сопственикот на куќата, кој во меѓувреме се вратил дома. Тој се обидел да ги спречи, но двете лица успеале да избегаат. Се преземаат мерки за расчистување на случајот, наведуваат од МВР.