Вооружен грабеж во две обложувалници

Две обложувалници на „Спорт Лајф“ во Скопје синоќа биле ограбени на идентичен начин и речиси во исто време од страна на маскирани и вооружени лица.

Како што соопшти МВР, првиот грабеж е пријавен синоќа околу 21:30 часот, а се случил во спортската обложувалница „Спорт Лајф“ лоцирана на улица „Франц Прешерн“ во населбата Влае, каде три маскирани лица, вооружени со пиштоли, извршиле разбојништво при што од вработените ги одзеле парите од дневниот промет, а потоа го напуштиле местото на настанот.

Вториот грабеж во 21:40 часот го пријавил вработен во спортската обложувалница „Спорт Лајф“ лоцирана на улица „Лондонска“, во населба Тафталиџе, кој навел дека три маскирани лица со закана со пиштоли извршиле разбојништво при што ги одзеле парите од дневниот промет, а потоа го напуштиле местото на настанот.

Се преземаат мерки за пронаоѓање на сторителите на двата грабежа