Изложба на Горјан Ѓорѓиев за триесет години ликовно творештво

Во Културно-информативниот центар вечер ќе биде отворена изложба на дела од Горјан Ѓорѓиев, со која уметникот одбележува 30 години ликовно творештво.

Ѓорѓиев (Скопје, 1965) дипломирал во 1987 на Академија за ликовни умстности во Скопје, отсек сликарство. Од 1988 членува во Друштвото на ликовните уметници на Македонија (ДЛУМ).

Учествувал на многу перформанси, групни изложби и ликовни колонии во Македонија и странство, а имал и 17 самостојни изложби.

Јубилејната изложба на Ѓорѓиев во КИЦ ќе биде отворена до 30 октомври.