Божиновска: Владо Јовановски повика на разум, не на војна

Социјалните мрежи деновиве се преполни со говор на омраза, особено по Фејсбук статусот на актерот Владо Јовановски, кој многумина го протолкуваа и се обидоа да го прикажат како повик за војна. За омразата на социјалните мрежи во информативниот блок на ТВ НОВА зборуваше Валентина Божиновска, претседател на комисијата за односи меѓу верските заедници.

„Индивидуалниот крик на секој поединец е индивидуална реторика. Овој чудесен Македонец со уште почудесен говор за својата татковина направи еден чудесен крик. Всушност, Владо Јовановски во ниту еден миг не повика на говор на омраза. Видовме крик на она што е сериозен страв од она што се случуваше во 2001-ва година. Јовановски опомена „Луѓе пазете се од војна, сето она што го правите и потпишувањето на платформата е загрозување на сиот интегритет и суверенитет на Македонија“. Владо Јовановски е храбар и мудар човек, она што треба да биде јасно за еден актер, а тоа е дека актерите се коментар на едно општество и повика на разум отколку на нешто друго“, изјави Божиновска.