Додовска: Заев докажа дека не е принципиелен политичар и не игра фер

Сите добро знаеме како започна приказната со 200.000 фантомски гласачи, излезе на виделина и се виде манипулацијата.  Многу е лесно да фрлите прав и да кажете нешто што не е така. Зоран Заев докажа дека не е пренципиелен политичар и не игра фер, мора да постои некаков стандард, смета универзитетската професорка Иванка Додовска.

Таа додаде дека сите гестови на лидерот на опозицијата го докажуваат тоа.

„Се обидував да најдам нешто позитивно во неговите чекори и да бидам објективна, меѓутоа сите гестови покажуваат нешто сосема спротивно. Нема конзистенност во ставовите. Неговиот политички профил е комплетно промашен, не е партнер со кој можете да седнете и да се договорите“, рече Додовска.

Додовска гостуваше во „Отворено студио“ на ТВ НОВА заедно со аналитичарите Александар Даштевски и Александар Пандов.