Коневски: Со освојување 63 пратеници за ВМРО-ДПМНЕ, Македонија нема да се редефинира

ВМРО-ДПМНЕ бара масовна поддршка од граѓаните на 11-ти декември.

Со освојување 63 пратеници, најавите на аболицираниот Зоран Заев за менување на Уставот и воведување двојазичност на целата територија ќе останат уште една срамна страница во историјата на СДСМ. Со освојување 63 пратеници за ВМРО-ДПМНЕ, Република Македонија нема да се редефинира. Ова на денешната прес-конференција го соопшти Ивица Коневски од ВМРО-ДПМНЕ.

Според него, Македонците кои не се согласуваат да се доселуваат и вработуваат Албанци во администрацијата во Струмица, Штип, Радовиш, Аеродром, Карпош, Центар и останатите општини и градови само заради обидот на аболицираниот Заев да освои некој глас повеќе, не се грдото лице на Македонија.

– Грдото лице на Македонија е токму аболицираниот криминалец Зоран Заев. Тој е човекот кој предлагаше виткање на кичмата. Тој е човекот што на маса ги става највисоките национални интереси и заговара промени на Уставот на Република Македонија, рече Коневски.

Нагласи дека Заев ги навредува сопствените сограѓани само за да им се додвори на гласачите Албанци.

– Ваквото однесување на аболицираниот криминалец Зоран Заев е срам за државата и за сите оние кои го положија животот за независна Македонија во каква што ние денес живееме. Сега не е време за редефинирање на државата. Сега е време да му се каже збогум на аболицираниот криминалец Зоран Заев и неговата деструктивна, лицемерна и антидржавна политика, истакна Коневски.