ОМД против новиот закон за јазици во Македонија

Обединетата македонска дијаспора (ОМД) е против предложениот Закон за јазици, кој го оценува како неуставен, поделбен, и води подалеку од веќе длабокиот недостаток на Охридскиот рамковен договор од 2001 година, и има за цел кодифицирање на албанскиот јазик како официјален јазик во целата Република Македонија.

– Наместо да ги обединува луѓето во Македонија, овој закон служи единствено за понатамошна поделба на Македонија по етничка линија, што е сосема спротивно од тоа што македонскиот народ го посакува, целите на мирот на неговата влада со своите соседи и стабилноста во целиот регион. Наместо да се поделат во етнички енклави, Македонците од сите средини треба да останат обединети под единствен службен јазик – македонскиот јазик, се вели во соопштението на ОМД.

Од ОМД посочуваат дека целосно го поддржува обезбедување на основни човекови права на малцинските групи да зборуваат на својот јазик и веруваат дека албанското малцинство во Македонија веќе ужива такво право и посакува слични основни човекови права да им бидат доделени на Македонците во соседните земји.