Сообраќајот на бул. „Илинден“ пренасочен кај Владата

Поради предизборен митинг, од синоќа од 22:00 часот се до сабота во 02:00 часот, сообраќајот на булеварот „Илинден“ ќе биде пренасочен во двата правца на потегот пред Владата, информира Министерството за внатрешни работи.

– Пренасочувањето е на потегот од крстосницата со булеварот „Гоце Делчев“ до крстосницата со булеварот „Св. Климент Охридски“. Сообраќајот ќе се одвива по булеварот „Илинден“, десно по булеварот „Св. Климент Охридски“ и по булеварот „Гоце Делчев“ и лево по булеварот „ВМРО“, наведуваат од МВР.