ВИДЕО: Заев докажа дека не се откажува од тиранската платформа

Претседателот на СДСМ Зоран Заев денеска докажа дека не се откажува од тиранската платформа и само преку ефтини маниупулации со кои ја навредува интелигенцијата на македонските граѓани се обидува оваа платформа направена во туѓа држава да ја протне на мала врата.

Откако Заев денеска најпрво рече дека нема двојазични пари, химна, знаме, затоа што уставните експерти кажувале дека тоа било спротивно на уставните одредби, потоа самиот се демантираше и изјави дека уставните експерти на ДУИ можеле да кажат нешто друго.

-Уставните експерти што ги консултираме се на ставот дека денарите, банкнотите кои се користат на целата територија на Република Македонија и евентуалната употреба на друг јазик при нивната изработка е спротивна на уставните одредби за употреба на македонскиот јазик, јазикот што го зборуваат повеќе од 20% од населението во Република Македонија, изјави Заев, за потоа да рече:

-Нам тоа ни го кажале уставните експерти, можеби на нив, можеби во јaвноста експертите ќе кажат нешто друго…