Проект за уредување на коритото на Липковска Река

Во Куманово денеска почнува реализацијата на проектот за уредување на коритото на Липковска река во населбата Средорек.

Проектот обезбедува директна и долгорочна заштита на голем број жители на Куманово кои живеат во овој дел на градот. Вредноста на проектот изнесува над 800 илјади евра, а средствата се обезбедени од Министерсвото за животна средина, општина Куманово, Владата на Јапонија и Програмата за развој на Обединетите нации (УНДП).

На настанот најавено е присуство на министерот за животна средина и просторно планирање Садула Дураки, градоначалникот на Куманово Зоран Дамјановски, постојаниот претставник на УНДП Луиза Винтон и амбасадорката на Јапонија Кеико Ханед.