Грчки европратеник: Изборот на Трамп е негативен резултат за целата планета

Изборот на Доналд Трамп е негативен резултат за целата планета, изјави европратеникот од Сириза Димитриос Пападимулис во интервју за грчката државна новинска агенција АНА-МПА.

Покрај тоа, тој изрази надеж дека победата на Трамп ќе испрати порака за создавање на анти-фашистички, демократски фронт во целиот свет.

Пападимулис ја истакна потребата Европа да се активира со цел да се постигне општествена кохезија и раст, и Грција брзо да ги спроведе своите планови за олеснување на долгот со цел да стане столб на стабилноста во регионот и пошироко.