Тројца мртви при напад на канцеларија на руското ФСБ

Вооружен напаѓач отвори оган во канцеларија на Далечниот исток на руската Федерална служба за безбедност (ФСБ), при што три лица загинаа, вклучувајќи го и напаѓачот.

ФСБ соопшти дека мажот ги минал детекторите за метал, влегол во холот на ФСБ во Хабаровск и отворил оган кон присутните. Убиен е службеник на ФСБ и еден посетител, по што обезбедувањето го застрелало напаѓачот.

Во нападот е повреден еден посетител.

Напаѓачот е идентификуван како А.В. Конев, роден во 1999 година и жител на областа Кабаровск, информира ТАСС.

Според одредени сознанија, тој бил припадник на нео-нацистичка група.